Operacioni antidrogë i së mërkurës ka përfunduar me disa të arrestuar. Policia e Kosovës në koordinim me Prokurorin Themelorë ka ndërmarrë veprime pas hetimeve të gjata.
Policia ka njoftuar se në Prishtinë u arrestuan tre persona të dyshuar për veprimtari kriminale në fushën e narkotikëve dhe u sekuestruan 2 kg e 643.27 gram substancë e dyshuar narkotike e llojit kokainë me vlerë në treg rreth 200,000 euro.
Po ashtu, konfiskoi një armë, dy automjete, tre telefona, 400 euro para të gatshme e prova të tjera.
Në vijimësi të hetimeve dhe zhvillimit operacional është kontrolluar edhe banesa e njërit nga të dyshuarit në Fushë Kosovë, ku janë gjetur dhe sekuestruar 2 kg e 300 gram substancë e dyshuar kokainë me vlerë të përafërt në treg rreth 180,000 euro dhe një armë zjarri me 14 fishekë.
“Të gjithë të dyshuarve kryesor iu është caktuar masa e ndalimit prej 48 orësh, ndërsa hetimet janë duke vazhduar nga DHTN – Sektori Qendror në koordinim me organet e drejtësisë”, thuhet në njoftimin nga PK.
Gjatë operacionit, janë arrestuar edhe dy persona të tjerë, të cilët kanë tentuar të largohen me veturën e tyre. Gjatë kontrollit u është gjetur një armë dhe është konstatuar se automjeti i tyre ishte me dokumentacion të falsifikuar. Personat në fjalë nuk kanë ndërlidhje me rastin kryesor, andaj janë proceduar nga patrulla policore e Stacionit Jugu – Prishtinë.
Sekuestrohen mbi dy kilogramë substancë narkotike në Prishtinë
Prokuroria Themelore në Prishtinë, në bashkëpunim me Njësinë e Antidrogës së Policisë, ka realizuar operacion të...-
Operacion antidrogë në Prishtinë, sekuestrohet sasi e konsiderueshme e drogës dhe armëve
-
Operacioni anti-drogë çon në arrestimin e 4 personave, një për krime kibernetike
-
Konfiskohen mbi 76 kilogramë narkotikë e arrestohen tre persona
-
Arrestohet një i dyshuar për narkotikë, Policia i gjen edhe një bombë
-
Mbi 2 kg kokainë sekuestrohen nga një veturë, Prokuroria kërkon paraburgim për të dyshuarit