Prokuroria Themelore në Prizren ka njoftuar se janë arrestuar dy persona lidhur me rastin e vrasjes së imamit të fshatit Zlipotok të Komunës së Dragashit.
Sipas Prokurorisë i dyshuar për veprën penale “vrasje e rëndë” është personi me iniciale B.H.. Ndërkohë thuhet se për veprën penale “Dhënia e ndihmës” është arrestuar edhe babai i tij.
“I dyshuari B.H., pas kryerjes së veprës penale, fillimisht ishte në arrati, mirëpo si rezultat i veprimeve intensive operativo-hetimore të Policisë së Kosovës është lokalizuar dhe arrestuar. Me vendim të prokurorit të shtetit, i dyshuari B.H., është ndaluar për 48 orë, për shkak të dyshimit të bazuar se ka kryer veprën penale "Vrasja e rëndë", sipas Kodit Penal të Republikës së Kosovës. Po ashtu, është ndaluar për 48 orë edhe babai i tij, për shkak të dyshimit të bazuar për kryerjen e veprës penale
"Mosdhënia e ndihmës", sipas Kodit Penal të Republikës së Kosovës”, thuhet në njoftim.
Sipas Prokurorisë policia është njoftuar për rastin e vrasjes të hënën rreth orës 23:15.
Edhe
Një muaj paraburgim ndaj dy të dyshuarve për vrasjen e imamit në Dragash
“Viktima, i cili ishte imam i fshatit, është privuar nga jeta me mjet të mprehtë (thikë). Vdekja e viktimës është konstatuar nga mjeku në vendin e ngjarjes”, thuhet në njoftim.
Trupi i pajetë i viktimës thuhet se është dërguar për obduksion në Institutin e Mjekësisë Ligjore (IML), në Prishtinë.
Prokuroria Themelore në Prizren, në bashkëpunim me Policinë e Kosovës, thuhet se është duke vazhduar hetimet intensive për zbardhjen e motiveve dhe rrethanave të plota të kësaj ngjarjeje.
Brenda afatit ligjor, Prokuroria thuhet se do të parashtrojë kërkesë për caktimin e masës së paraburgimit ndaj të dyshuarve.
Arrestohet i dyshuari për vrasjen në Dragash
I dyshuari për vrasjen në fshatin Zlipotok të Dragashit është arrestuar, ka njoftuar Policia.
Edhe
Kërkohet paraburgim për dy të dyshuarit në rastin e vrasjes në Zlipotok të Dragashit
Zëdhënësi i Policisë për rajonin e Prizrenit, Shaqir Bytyqi, ka thënë për KOHËN se në operacionin për lokalizimin dhe arrestimin e të dyshuarit janë angazhuar njësi të ndryshme policore, përfshirë përdorimin e dronit për vëzhgim nga ajri, si dhe njësinë me qen K-9.
“I dyshuari është shoqëruar në stacionin policor, ku ndaj tij do të vazhdojnë procedurat e mëtejme hetimore në koordinim me prokurorin përgjegjës”, ka thënë ai.
Theret për vdekje një person në Dragash, i dyshuari në arrati
Një person ka humbur jetën si pasojë e plagëve të marra gjatë një përleshjeje që ka ndodhur mbrëmjen e së hënës në fshatin Zlipotok të Dragashit.
Sipas Policisë së Kosovës, rasti është raportuar rreth orës 23:15, kur disa persona janë përfshirë në një përleshje. Gjatë incidentit, viktima dyshohet se është goditur me një mjet të mprehtë.
Edhe
Një muaj paraburgim të dyshuarit për vrasjen e nënës në Dragash
I plagosuri është dërguar për trajtim mjekësor në Qendrën Kryesore të Mjekësisë Familjare (QKMF) në Dragash, ku mjeku kujdestar ka konstatuar vdekjen e tij.
Policia ka iniciuar rastin si “Vrasje e rëndë”, ndërsa i dyshuari, ndodhet në arrati. Organet e rendit janë duke vazhduar hetimet dhe po punojnë për lokalizimin dhe arrestimin e tij.
