Të shtëna me armë zjarri janë dëgjuar afër Eulex-it, saktësisht në rrugën “Arbnor e Astrit Dehari” në Prishtinë, rreth dy orë më parë.
Sipas Policisë së Kosovës një person ka shtënë me armë në drejtim të një tjetri.
“Në ora 10:48 rr.Arbnor e Astrit Dehari, Prishtinë ka pasë të shtëna me armë zjarri ne drejtim te viktimes m/k/sh. I dyshuari ka ikur nga vendi i ngjarjes, te lenduar nga arma nuk ka. Policia janë duke u marrë me rast”, ka thënë zëdhënësi i PK-së, Daut Hoxha, për KOHËN.
Ndërkaq, Policia ka rrethuar edhe vendin e ngjarjes dhe nuk po lejon qarkullimin në atë pjesë.
Policia është duke vazhduar të marrë prova dhe materiale të nevojshme për hetim nga vendi i ngjarjes.
