Pas gati tri vitesh në arrati dje në Prishtinë është arrestuar 38 vjeçari nga Podgorica, Mario Millsoheviq, i cili ndiqej për shkak të dyshimeve se ka marr pjesë në vrasjen e Radomir Gjuriqkoviqit, më 10 tetor të vitit 2016.
Mediat në Mal të Zi raportojnë se policia ka arrestuar edhe Gjorgje Paviqeviqin nga Nikshiqi , i cili është arratisur më 3 korrik të këtij viti nga një qendër spitalore e i cili ishte në paraburgim për shkak të një rrëmbimi të kryer më 15 shtator 2015 në Kotorr të Malit të Zi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoArrestimi i dy shtetasve të Malit të Zi sipas Policisë malazeze është rezultat i bashkëpunimit të suksesshëm me Policinë e Kosovës.
Burime nga Policia e Malit të Zi i kanë thënë gazetës së Podgoricës “Vijesti” se aksioni për arrestimin e Millosheviqit ka zgjatur dy muaj.
“Me rastin e arrestimit Mario Millosheviqi ka qenë i armatosur, derisa gjatë kontrollit nga Policia janë gjetur armë dhe drogë. Përveç për vrasje Millosheviqi nga policia e Malit të Zi kërkohet edhe për dyshimet se ka marrë pjesë në shumë eliminime të njerëzve në territorin e Malit të Zi që janë si pasojë e konflikteve në mes bandave kriminale”, kanë thënë për “Vijesti” burimet e Policisë.
Sipas Policisë së Malit të Zi për vrasjen e Gjuriçkoviqit edhe më tutje po kërkohen Igor Mashanoviqi (22 vjeçar) dhe Vukan Vujaçiqi (23 vjeçar).
Sipas aktakuzës drejt Gjuriqkoviqit ka shtënë i akuzuari Mashanoviq. Prokuroria pretendon se Millosheviq i ka dhënë paratë për blerjen e veturës me të cilën natën e vrasjes e ka drejtuar i akuzuari Vujaçiq.
Përveç dy shtetasve të Malit të Zi dje në lagjen Kalabria janë arrestuar edhe një shtetas i Serbisë dhe një 23 vjeçare nga Bukoshi i Suharekës, Laureta Zyba.