Policia e Kosovës ka njoftuar se lidhur me sulmin ndaj ushtruesit të detyrës së drejtorit të Shërbimit Korrektues të Kosovës, Sokol Zogajt, pas hetimeve të zhvilluara në koordinim me Prokurorin Themelore ne Prishtinë, është arritur të identifikohen tre të dyshuar meshkuj.
Sipas Policisë, është lokalizuar dhe konfiskuar vetura Golf IV me targa lokale të cilën dyshohet se personat e dyshuar e kanë përdorë në rast.
Ndërsa, dje me urdhëresë të Gjykatës Themelore në Prishtinë janë realizuar tri bastisje në lokacione të ndryshme për kërkim të personave të dyshuar, mirëpo të njëjtit nuk janë hasur.
Policia është duke punuar intensivisht në rast.
