Policia e Kosovës ka bërë të ditur se një person ka vdekur ndërkaq dy të tjerë kanë mbetur të plagosur si pasojë e të shtënave me armë zjarri në parkingun e një restoranti, në fshatin Volljakë të Klinës, mbrëmjen e së enjtes.
Në njoftimin e lëshuar të premten, Policia ka thënë se pesë persona janë arrestuar lidhur me rastin.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Policia menjëherë i është përgjigjur vendit të ngjarjes, dhe është kuptuar se tre (3) persona kanë pësuar lëndime trupore nga arma e zjarrit dhe mjete të forta. Viktimat fillimisht janë dërguar në QKMF-Klinë, e më pas në emergjencën e Spitalit Rajonal në Pejë, nga ekipi mjekësor është konstatuar vdekja e njërit nga të lënduarit. Në vend ngjarje kanë dalë të gjitha njësitet kompetente të Drejtorisë Rajonale të Policisë në Pejë, prokurori i shtetit, pas një pune intensive operative dhe hetimore është arritur të identifikohen dhe arrestohen pesë të dyshuar në rast: A.G. lindur më 1980, N.G. i lindur më 1992, A.G., i lindur më 1998, B.G., lindur më 1985, dhe B.G., i lindur më 1974
Pas intervistimit me urdhër të Prokurorit të shtetit të dyshuarve iu është caktuar masa e ndalimit prej 48-orësh. Ndërkaq, trupi i pa jetë i viktimës me urdhër të prokurorit të shtetit është dërguar në institutin e mjekësisë ligjore për obduksion.
KOHA ka raportuar më herët të premten se pesë të arrestuarit janë katër vellëzër dhe axha i tyre. Katër prej tyre janë arrestuar për kryerjen e vrasjes, ndërkaq tjetri për dhënien e ndihmës pas kryerjes së vrasjes.