Policia e Kosovës ia ka marrë patentë-shoferin një 21-vjeçari që po voziste në Kaçanik me shpejtësi 105 kilometra për orë në një rrugë që ishte në zonë të kufizuar të vozitjes prej 40 kilometrash për orë.
Sipas njoftimit, rasti ka ndodhur pasditen e së shtunës në magjistralen Ferizaj-Kaçanik tek vendi i quajtur “Fusha e Pajtimit”.
Shoferit E.K. i është shqiptuar gjobë 300 euro, i janë dhënë tre pikë negative dhe i është hequr e drejta e vozitjes për tre muaj.
Drejtoria Rajonale e Policisë në Ferizaj ka apeluar për respektim të shenjave të komunikacionit.
“Veprimet e tilla rrezikojnë direkt jetën e tyre dhe të pjesëmarrësve tjerë në komunikacion dhe fton qytetarët të bashkëpunojnë me policinë”, thuhet në apelin e Policisë.
Artikuj të ngjashëm
-
Prizrenasi gjobitet me 500 euro dhe i merret patentë shoferi për tejkalim të shpejtësisë
-
500 euro gjobë personit që voziti pa patentë shoferë në Prishtinë me shpejtësi 180 km/h
-
Ndëshkohen katër shoferë në Ferizaj për tejkalim të shpejtësisë
-
Dy shoferë ndëshkohen për kundërvajtje të rënda në trafik në Ferizaj
-
Në Ferizaj 5 shoferëve u pezullohet leja për 3 muaj, u kapën nga veturat inteligjente të policisë