Policia e Kosovës ka kërkuar ndihmën e qytetarëve për bashkëpunim për të lokalizuar dhe arrestuar Faton Hajrizin, që është arratisur nga Qendra Korrektuese në Smrekovnicë të Vushtrrisë, të shtunën.
Faton Hajrizi nga Skenderaj nuk është figurë e panjohur për Policinë e Kosovës. Është hera e nëntë që ka ikur nga burgjet.
Më herët gjatë ditës, Shërbimi Korrektues njoftoi për ikjen e të dënuarit. Sipas njoftimit, ai është përfitues i fundjavave dhe së fundmi këtë të drejtë e ka shfrytëzuar më 1 deri 3 korrik.
Faton Hajrizi në mars ishte intervistuar nga “Betimi për Drejtësi” ku përveç rrëfimit rreth arratisjeve, kishte treguar edhe se si e ka fituar të drejtën e vikendit dhe s’e ka shfrytëzuar për t’u arratisur.
Menjëherë pas luftës në Kosovë, Hajrizi ishte arrestuar pasi kishte vrarë një ushtar rus në Skenderaj. Pas kësaj ishte kapur për vjedhje, grabitje e vepra tjera penale.
-
Arratisen dy të burgosur nga Qendra Korrektuese në Lipjan, rikthehen pas arrestimit
-
Dy persona u arratisën nga Qendra Korrektuese në Lipjan por u kthyen nga Policia
-
Ekstradohet nga Kroacia për në Kosovë i kërkuari me letër-rreshtim ndërkombëtar
-
Policia arreston personin për të cilin Shqipëria kishte lëshuar urdhër arrest ndërkombëtar
-
Arratiset i dyshuari nga dritarja e stacionit policor në Gjakovë