Një lokal është përfshirë nga zjarri në rrugën “Simon Shiroka” në qendër të Prishtinës.
Siç ka bërë të ditur Policia e Kosovës, nuk raportohet për të lënduar.
Rasti ka ndodhur rreth orës 19:30. Nga vendi i ngjarjes janë evakuuar disa banorë, për shkaqe sigurie.
“Rreth orës 19:30, është pranuar informata se në rrugën “Simon Shiroka” në Prishtinë, një lokal është përfshirë nga zjarri. Policia menjëherë ka dalë në vendin e ngjarjes dhe ka ftuar edhe zjarrfikësit me qëllim të lokalizimit të zjarrit. Për shkaqe sigurie janë evakuuar disa banorë përreth vendit të ngjarjes, ndërkaq deri më tani nuk raportohet për të lënduar përveç dëmeve materiale”, ka thënë për KOHËN, Agron Borovci, zëdhënës i Policisë për rajonin e Prishtinës.
Ai ka thënë se kanë nisur hetimet për sqarimin e plotë të rrethanave që karakterizojnë ngjarjen.
