Një vjedhje grabitqare ka ndodhur të enjten në rrugën “Dëshmorët e Kombit”, në Prishtinë.
Policia e Kosovës ka njoftuar të premten se një grua ka raportuar se një person i panjohur ia kishte marrë çantën derisa ishte duke ecur.
“Viktima femër kosovare ka raportuar se derisa kishte qenë duke ecur një person i panjohur ia kishte marrë çantën në të cilën kishte pasur para dhe disa gjësende tjera”, thuhet në njoftimin e Policisë.
Njësitë policore kanë dalë në vendin e ngjarjes dhe janë duke e hetuar rastin.
