Të paktën katër zyrtarë policorë kanë pësuar lëndime trupore gjatë arrestimit të një 45-vjeçari në fshatin Samadraxhë të Suharekës.
Ai dyshohet se ka sulmuar policinë me thikë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas njoftimit të Policisë, rasti ka ndodhur të martën rreth orës 08:30, pas pranimit të ankesës së një qytetari se i dyshuari B.K., ka bllokuar rrugën “Ramush Kotori” në fshatin Samadraxhë, duke vendosur shufra metalike të ngulitura në tokë dhe të lidhura me tel, duke penguar qarkullimin e lirë të banorëve.
“Menjëherë pas raportimit, patrullat policore kanë reaguar dhe kanë arritur në vendin e ngjarjes. Gjatë ndërhyrjes, i dyshuari ka sulmuar zyrtarët policorë me armë të ftohtë (thikë). Policia ka reaguar me veprime të menjëhershme, duke neutralizuar sulmin dhe duke arritur ta arrestojë të dyshuarin”, thuhet në njoftimin e Policisë.
Gjatë arrestimit, si pasojë e kundërshtimit të dhunshëm nga ana e të dyshuarit, thuhet se katër zyrtarë policorë kanë pësuar lëndime të lehta trupore, por jo nga thika.