Një kamion me beton të enjten ka goditur një këmbësore 55-vjeçare në lagjen “Lakuriq” në Prizren, duke e lënë të vdekur në vend, ka njoftuar Policia e Kosovës.
Sipas të dhënave fillestare, kamioni ishte duke lëvizur afër punishtes dhe nuk e ka vërejtur këmbësoren.
“Shërbimi i urgjencës është njoftuar menjëherë dhe mjekët në vendngjarje kanë konstatuar vdekjen e viktimës”, thuhet në njoftim.
Policia ka dalë në vendngjarje, ndërsa i dyshuari është ndaluar në stacionin policor.