Një person është gjetur i vdekur në fshatin Zllapek të Pejës. I dyshuari pasi fillimisht është larguar nga vendngjarje, më pas është dorëzuar në Polici dhe po intervistohet.
Rastin e ka konfirmuar për KOHËN zëdhënësi i Policisë për rajonin e Pejës, Fadil Gashi.
“Rreth orës 11:00 Policia është njoftuar se në fshatin Zllopek, komuna e Pejës një veturë e ka goditur një këmbësor. Mjeku kujdestar e ka konstatuar vdekjen e viktimës në vendin e ngjarjes. I dyshuari është arratisur, ndërsa vetura gjendet në vendin e ngjarjes. Më pas i dyshuari, u dorëzua në Polici ku edhe po intervistohet”, ka thënë ai.
Artikuj të ngjashëm
