Gjendet i vdekur një i mitur në kanalin e “Ibër-Lepencit” në Mitrovicë

Një i mitur është gjetur i vdekur të dielën në kanalin e “Ibër-Lepencit”, në fshatin Vaganicë të Mitrovicës.

Zëdhënësi i Policisë për rajonin e Mitrovicës, Avni Zahiti, njoftoi për KOHËN se rasti është raportuar në orën 17:50, derisa ekipi mjekësor e ka konfirmuar vdekjen e të miturit në vendin e ngjarjes.

Sipas Policisë, dyshohet se viktima kishte hyrë në kanal për t'u larë.

“Rreth orës 17:50, është raportuar se në kanalin e ‘Ibër-Lepencit’ në fshatin Vaganicë të Mitrovicës, është gjetur pa shenja jete në ujë një (i mitur) Njësitë relevante dhe ekipi mjekësor kanë dalë në vendin e ngjarjes ku është konstatuar vdekja e viktimës”, ka thënë Zahiti.