Dogana i ka ndaluar gati 24 mijë artikuj në tri lokale të ndryshme, në një aksion kontrolli për kundërvajtje doganore.
Sipas njoftimit, janë ndaluar: 16,394 mbrojtëse për telefona mobilë; kufje të modeleve AirPods dhe AirPods Max; kabllo USB-C dhe Lightning; adapterë dhe pajisje për mbushje; orë inteligjente; pajisje AirTag; lapsa elektronikë; tastiera dhe aksesorë të tjerë elektronikë; bateri për telefona mobilë.
Në mallrat e ndaluara janë evidentuar shenja të markave të njohura tregtare.
Sipas rezultateve të evidentuara, në lokalin e parë janë ndaluar 22,391 artikuj, në lokalin e dytë 477 artikuj, ndërsa në lokalin e tretë 1,050 artikuj.
Dy prej lokaleve janë referuar për trajtim të mëtejmë në sektorin e kundërvajtjeve doganore, ndërsa për të tretin është njoftuar Prokuroria Themelore në Prishtinë.
“Të gjitha mallrat janë vendosur nën mbikëqyrje doganore dhe do t’u nënshtrohen procedurave përkatëse për verifikimin e dokumentacionit, prejardhjes së tyre dhe respektimit të legjislacionit doganor dhe të të drejtave të pronësisë intelektuale”, thuhet në njoftim të Doganës.
-
Dogana ndalon mallra të padeklaruara në Aeroportin e Prishtinës
-
Dogana e Kosovës ndalon mijëra produkte false
-
Dogana ndalon pajisje për ujësjellës dhe sistem të ngrohjes qendrore
-
Dogana ndalon qarkullimin e 275 njësive të lodrave, dyshohen se cenojnë të drejtat e autorit
-
Policia largon nga puna një toger, thotë se ndaj tij ishin iniciuar 15 raste për shkelje disiplinore