Një 34-vjeçar është arrestuar në Shtime pasi ka pranuar se ka vjedhur 24.800 euro nga banesa e babait të tij i cili jeton jashtë vendit.
Sipas njoftimit nga Policia, gjatë ekzaminimit të vendit të ngjarjes, nuk janë konstatuar shenja të thyerjes apo dëmtimit që tregonin hyrje me forcë në banesë.
Si rezultat i hetimeve, me datën 21 tetor, policia ka identifikuar dhe arrestuar të dyshuarin B.N., djalin e ankuesit, i cili është intervistuar në prani të avokatit mbrojtës dhe ka pranuar kryerjen e veprës penale.
Me urdhër të prokurorit të shtetit, i dyshuari është dërguar në ndalim policor për 48 orë, ndërsa hetimet lidhur me rastin janë duke vazhduar.