Një 25-vjeçar arrestohet për vjedhje të veturës në Shtime

Një person është arrestuar për vjedhje të një veture në Shtime të shtunën. 

Mëngjesin e së shtunës Policia është njoftuar për vjedhjen dhe disa orë më vonë e ka identifikuar dhe arrestuar të dyshuarin. 

“Më 24 maj 2025, rreth orës 08:00, në stacionin policor në Shtime është raportuar një rast i vjedhjes së veturës, e cila dyshohet të ketë ndodhur rreth orës 06:30 në rrugën “De Rada”. Automjeti i llojit Renault  me targa vendore ishte e parkuar para shtëpisë së ankuesit. Pas raportimit, njësia e hetimeve, nën autorizim të prokurorit të shtetit, ka ndërmarrë veprimet hetimore dhe rreth orës 11:30 ka identifikuar, lokalizuar dhe arrestuar të dyshuarin Sh. Ll.(M/K) , 25 vjeç”, thuhet në njoftimin e PK-së. 

I dyshuari është ndaluar për 48 orë.