Arrestohet zyrtari i Komunës së Fushë-Kosovës, mashtroi qytetarët duke u premtuar subvencione

Policia e Kosovës ka arrestuar një zyrtar të Komunës së Fushë-Kosovës, i cili dyshohet të ketë mashtruar disa qytetarë duke iu premtuar se do t’iu ndihmojë në marrjen e subvencioneve.

I.K. dyshohet se ka marrë mijëra euro nga qytetarët për rregullimin e dokumenteve dhe aplikimin për subvencione, e që sipas Policisë, i dyshuari nuk ka rregulluar dokumente e as që ka aplikuar për subvencione, duke ju shkaktuar dëm të konsiderueshëm material ankuesve.

Me këtë rast i dyshuari ka kryer vepër penale “Mashtrim” përcaktuar sipas kodit penal të RKS-së.

I dyshuari është intervistuar në prezencë të avokatit mbrojtës dhe me aktvendim të Prokurorit të Shtetit i njëjti është dërguar në mbajtje për 48 orë për proceduara të mëtejme ligjore.