Një zyrtar policor në Gjilan është arrestuar të martën, shkaku i dyshimeve për mospërfillje të urdhrave rreth pandemisë së koronavirusit, është bërë e ditur të mërkuren nga Inspektorati Policor i Kosovës.
IPK, përmes një njoftimi, ka bërë të ditur se nga policia e kishte marrë informatën rreth dyshimeve për këtë këtë zyrtar (me gradën e togerit), jashtë detyrës zyrtare.
“Pas pranimit të informacionit hetuesit e IPK-së kanë dalë në vendin e ngjarjes dhe kanë kontaktuar me prokurorin kujdestar”, shkruan në njoftim.
Njoftimi ka bërë të ditur për arrestimin e këtij zyrtari, në dyshimin për veprën penale “Mosveprim sipas dispozitave shëndetësore gjatë epidemisë”, kurse “me vendim të prokurorit të njëjtit i është caktuar masa e ndalimit për 48 orë si dhe është suspenduar nga detyra”, transmeton KOHA.
“Veprimet e mëtutjeshme hetimore lidhur me këtë rast do të vazhdojnë nga hetuesit e IPK-së në konsultim të vazhdueshëm me prokurorin përgjegjës”, shkruan në njoftim.
-
Arrestohet një zyrtar policor në Gjilan i dyshuar për sulm seksual ndaj një të miture
-
Arrestohet një polic, dyshohet se keqtrajtoi një qytetar që s’respektoi masat anti-COVID
-
Prej 15 prillit në Gjilan janë ndaluar 14 persona për mosrespektim të masave
-
Arrestohet një zyrtar policor nën dyshimin për ngacmim
-
Rekomandohet suspendimi i 2 policëve të dyshuar për keqtrajtim gjatë ushtrimit të detyrës