Një noter është arrestuar të mërkurën në Prishtinë, nën dyshimin se ka kryer veprën e tjetërsimit të një prone në Hajvali të Prishtinës.
Policia e Kosovës ka njoftuar se bashkë me të janë arrestuar edhe tre të tjerë nën dyshimin për kryerjen e veprës penale të “falsifikimit të dokumenteve zyrtare”.
KOHA ka mësuar se noteri i arrestuar është S.V..
“Ndaj personave të dyshuar nga prokurori i PTH- Prishtinë është lëshuar aktvendim për ndalim prej (48) orësh lidhur me dyshimet se të njëjtit kanë kryer veprën penale ‘Keqpërdorim i pozitës apo autoritetit zyrtar’, si dhe në bashkëkryerje veprën penale ‘Falsifikim i dokumenteve” dhe ‘Legalizimi i përmbajtjes së rreme’”, thuhet në njoftim.
