Arrestohet një i dyshuar në Vërmicë për disa vepra penale

Një person është arrestuar nga Policia e Kosovës të hënën pasi dyshohet për disa vepra penale.

Sipas njoftimit, Policia te bregu i liqenit në Vërmicë ka identifikuar disa lëvizje të dyshuara nga disa persona.

Bëhet e ditur se gjatë vëzhgimit të terrenit, është vërejtur se disa persona vinin nga territori i Shqipërisë, me ç’rast me të vërejtur zyrtarët policorë të njëjtit janë larguar nga vendi i ngjarjes.

Nga ta, zyrtarët policorë kanë arritur ta ndalojnë të dyshuarin shtetas i Shqipërisë me iniciale F.Gj viti i lindjes 1995 nën dyshimin se i njëjti kishte kontrabanduar shtetas të huaj të cilët në mënyrë ilegale kishin hyrë në Kosovë.

Të njëjtit dyshohet se i janë gjetur 0.036 gram substancë narkotike e llojit kokainë dhe një telefon i tipit IXON.

Edhe Kronikë 22 sht 2026 Ndalohet një person nën dyshimin për kontrabandim me migrantë në Vërmicë

Lidhur me rastin janë ndërmarrë të gjitha veprimet e nevojshme nga njesitet relevante.

Poashtu është njoftuar edhe Prokurori kompetent, me udhëzim të së cilit janë inicuar rastet “Kontrabandim me migrant”, “Posedimi i paautorizuar i narkotikëve, substancave psikotrope ose analoge ” si dhe “kalim ilegal i kufirit”, ndërsa ndaj të dyshuarit është caktuar masa e ndalimit për 48 orë.