Arrestohet i dyshuari për sulm ndaj zyrtarëve policorë në Deçan

Një person është arrestuar në Deçan nën dyshimin se ka kanosur dhe sulmuar dy zyrtarë policorë gjatë kryerjes së detyrës zyrtare.

Sipas njoftimit policor, rasti ka ndodhur të hënën rreth orës 16:09, pasi i dyshuari kishte shfaqur revoltë ndaj shqiptimit të një tikete për kundërvajtje. 

Në përpjekje për ta vënë situatën nën kontroll dhe për të kryer arrestimin, thuhet se policia ka përdorur sprej ndaj të dyshuarit.

Si pasojë e incidentit, dy zyrtarët policorë kanë pësuar lëndime të lehta trupore dhe kanë marrë trajtim mjekësor.

Me urdhër të prokurorit, i dyshuari është intervistuar dhe më pas është liruar në procedurë të rregullt, ndërsa rasti po trajtohet si “sulm ndaj personit zyrtar”.