Katër persona janë arrestuar në Vlorë të enjten nën dyshimin se për dy javë kanë mbajtur peng një shtetas të Kosovës dhe i kërkuan atij 70 mijë euro, transmeton “Top Channel”.
Policia e Vlorës ka njoftuar se të dyshuarit janë nga fshatrat e Lumit të Vlorës. Viktima dyshohet se për dy javë ishte mbajtur peng dhe ndaj tij ishte ushtruar dhunë.
Ai ishte mbajtur peng në një banesë në afërsi të Rrugës së Re.
Motra e shtetasit të Kosovës, që jeton në Suedi, ka njoftuar policinë, e cila ka reaguar duke gjetur banesën dhe duke shoqëruar në stacion katër të dyshuarit.