Gjykata e Apelit ka lënë në paraburgim 22 të dyshuarit për trafikim me drogë. R.N., A.K., R.B., A.I., A.Gj., E.I., Sh.B., A.V., B.Sh., E.E., R.V., R.B., A.R., E.B., A.M., K.D., O.V., L.T., K.B., K.A., Y.M. dhe S.L., do të vazhdojnë të jenë në paraburgim pas arrestimit në fillim të qershorit.
Më 3 qershor u realizua operacioni antidrogë i koduar si “Qielli i Thyer” në rajonet e Prishtinës, Pejës, Prizrenit dhe të Gjilanit, ku janë bastisur 47 lokacione.
Prokuroria Speciale së bashku me Policinë kanë theksuar se përmes këtij aksioni, ku kanë marrë pjesë rreth 600 zyrtarë të Policisë, është arritur shkatërrimi i një grupi të krimit të organizuar të trafikimit me narkotikë.
Sipas Prokurorisë, personat janë arrestuar nën dyshimet për kryerjen e veprës penale “krim i organizuar”, në lidhje me trafikimin e narkotikëve dhe pastrimit të parave. Veprat penale, të pandehurit dyshohen se i kanë kryer përmes aplikacionit “SkyECC”.
-
Shtatë të arrestuar në aksionin kundër krimit të organizuar dhe drogës në Prishtinë e Pejë
-
22 të arrestuar e qindra mijëra euro të ngrira e të sekuestruara në operacionin antidrogë
-
Nga një muaj paraburgim për 9 të arrestuarit për mashtrim me derivate
-
Nga një muaj paraburgim ndaj pesë të pandehurve për krim të organizuar dhe narkotikë
-
Pesë të arrestuar për trafikim të drogës, aksioni mbështetet nga Europol-i