39 persona u arrestuan si të kërkuar nga gjykatat gjatë shtatorit në rajonin e Pejës

Drejtoria Rajonale e Policisë në Pejë ka bërë të ditur se gjatë muajit shtator ka ekzekutuar një sërë urdhëresash të lëshuara nga gjykatat kompetente, duke arrestuar gjithsej 39 persona të dyshuar.

Sipas njoftimit, personat e arrestuar ishin të kërkuar për vepra të ndryshme penale.

Nga ta, 14 janë dërguar për vuajtje të dënimit në qendrat e paraburgimit, ndërsa pjesa tjetër është paraqitur në seanca gjyqësore. Pas pagesës së gjobave të shqiptuara, ata janë liruar.

Policia e Pejës ka theksuar se do të vazhdojë me zbatimin e urdhëresave të gjykatave, në funksion të sundimit të ligjit dhe sigurisë publike.