Gjykata Themelore në Gjilan i ka caktuar masën e paraburgimit prej 30 ditësh, personit që ishte zënë në kufi me 930 copë teste për COVID-19 dhe pajisje të tjera përcjellëse, duke i kotrabanduar.
Të pandehurit D.M i është caktuar kjo masë për veprën “kontrabandim i mallrave”.
“Ekziston dyshimi i bazuar se i pandehuri duke qenë në njohuri me situatën e përgjithshme shoqërore të krijuar me pandeminë Covid-19 dhe shqetësimin e madh të krijuar tek qytetarët, i njëjti me qëllim të përfitimit të kundërligjshëm pasuror për veti apo për personin tjetër, ka kontrabanduar mallra me automjetin e tij, ashtu që pas ndalimit nga ana e Policisë së Kosovës në pikën kufitare të Muçibabës, dhe gjatë kontrollimit të tij, të njëjtit i ishin gjetur 930 copë teste VIDAS-STR për Covid-19 dhe pjesët përcjellëse si: 12 teste shishe të mëdha, 25 copë teste shishe me kapak të kuqë, 50 copë teste shishe me kapak të bardhë, 31 copë teste qese alumini dhe 21 copë ftohësa të ndryshëm për teste Covid-19, e për të cilat i njëjti nuk ka poseduar asnjë lloj të dokumentacionit përcjellës mbi origjinën e tyre, të cilat dyshohet se ishin sjellë nga territori i Serbisë”, thuhet në njoftimin e Gjykatës.
-
Dogana kap mbi 1000 teste të shpejta për COVID-19 të kontrabanduara
-
Policia arrestoi një person që tentoi të fuste ilegalisht nga Serbia 930 teste për COVID-19
-
30 ditë paraburgim ndaj të dyshuarit për posedim të mbi 5 kg marihuanë
-
30 ditë paraburgim i jepen një person për substanca psikotrope dhe analoge
-
Paraburgim 11 të dyshuarve për kontrabadim me migrantë