Njësia e hetimeve në Stacionin Policor në Klinë, pas një pune operative - hetimore ka arritur të sigurojë informacione të besueshme se të dyshuarit B.H dhe F.H janë në posedim të armëve ilegale dhe është bërë kërkesë për bastisjen e shtëpisë dhe lokaleve përcjellëse të tyre.
Të dyshuarit janë B. H. i lindur në vitin1970 , M/Sh/Kosovar, dhe F. H. i lindur në vitin1976 , M/Sh/Kosovar.
“Urdhri për bastisje është siguruar nga gjyqtari i procedurës paraprake dhe për realizimin e urdhëresës më datë 08.11.2019 rreth orës 08:50, është bërë realizimi i urdhër – kontrollit”, thuhet në raportin e policisë.
Gjatë kontrollit në shtëpinë e të dyshuarit B. H. janë gjetur dhe sekuestruar:
Një Pushkë ‘Mitralez i lehtë’
7 (shtatë) copë të cal. 7,62x39 me rrethatore
Një pushkë për gjuajtje, punim dore, pa nr. serik
20 ( njëzetë) fishekë cal. 7,62x2
Një karikator i ‘AK’- 47
Ndërsa në shtëpinë e të dyshuarit F. H., është gjetur dhe sekuestruar
Një pushkë automatike 20 (njëzetëshe) dhe
Një karikator i ‘AK’-47
“Pas intervistimit, me urdhër të prokurorit të shtetit dy të dyshuarit janë ndaluar për 48 orë dhe ndaj tyre është iniciuar rast "Mbajtja në pronësi, kontroll apo posedim të paautorizuar të armëve", përfundon raporti.
