18 bimë kanabisi i ka gjetur të mbjella Policia në fshatin Gërdoc të Podujevës.
Një i dyshuar është arrestuar dhe dërguar në mbajtje.
Kanabisi dhe një sasi marihuane u gjetën në shtëpinë e të dyshuarit.
“Është arrestuar i dyshuari mashkull kosovar, pasi që gjatë kontrollit të shtëpisë dhe objekteve përcjellëse të tij, i janë gjetur dhe sekuestruar 18 bimë të mbjella të llojit kanabis dhe 987.2 gramë substancë narkotike e llojit marihuanë. Me vendim të prokurorit i dyshuari është dërguar në mbajtje”, thuhet në raportin e PK-së.