Panelisti në “Konfront” të KTV-së, Nexhmedin Spahiu, ka thënë se Serbia po bën përpjekje për të rikrijuar struktura të reja të dhunshme në Kosovë.
Të enjten, mbi debatin për paralajmërimin për përshkallëzim të Listës Serbe pas konfiskimit të pasurisë së Milan Radoiçiqit, Spahiu ka thënë se strukturat që janë identifikuar nga autoritetet kosovare, Serbia nuk mund t’i fusë më në përdorim.
“Shpeshherë kur po flasim për shkatërrimin e strukturave paralele, sidomos strukturave të dhunshme paralele, po harrojmë që Serbia është në përpjekje e sipër për të rikrijuar strukturat e tjera, ato struktura që tashmë janë identifikuar nuk mund t’i fusë më në përdorim sepse janë identifikuar, Policia e Kosovës tashmë i ka me emra, mbiemra, fotografi se kush janë. Djegia e vetës së policit serb, më pas djegia e shtëpisë verore të Nenad Radosavleviqit, (v.j. drejtor i Drejtorisë për Sport, Rini dhe Kulturë), të gjitha këto tregojnë se nuk është që Serbia është pajtuar me zhbërjen e këtyre strukturave paralele, por tenton t’i rikrijojë të tjera”, ka thënë ai.
Emisioni i plotë:
-
Kurti: Do t’i shkrijmë të gjitha strukturat paralele serbe
-
PDK: Kompromiset e Kurtit cenojnë sovranitetin, legjitimoi strukturat ilegale
-
BE-ja pa reagim për shkrirjen e strukturave paralele serbe në sistemin e Kosovës
-
Kurti synon integrimin e institucioneve paralele arsimore e shëndetësore të Serbisë në sistem të Kosovës
-
Kurti: Përpjekjet e Serbisë për minim të sovranitetit të Kosovës, kërcënim serioz