Stadiumi “Letzigrund” lidhet me FC Zurichun. Por jashtë klubit, ky stadium nuk është shumë i populluar, të paktën në aspektin futbollistik.
Tribunat janë shumë larg, ndryshe nga stadiumet tradicionale të futbollit.
Edhe atmosfera nuk duket të jetë shumë e zjarrtë.
Hera e fundit kur Përfaqësuesja e Zvicrës luajti në Zurich ishte në stadiumin “Hardturm”, në vitin 2007. Pasi ky stadium u shkatërrua, ekipi nisi të luajë në “Letzigrund”, ka shkruar të premten mediumi “SRF”.
Sonte nga ora 20:45, Zvicra do të ballafaqohet me Serbinë në kuadër të Grupit A4.
Edhe
Zvicra kërkon fitore pas barazimit befasues
Zvicra është e fundit në grup me një pikë, tri më pak se Serbia. Një rezultat tjetër negativ, do të bënte që Zvicra të zbriste në Ligën B të Ligës së Kombeve.
Por asnjëherë nuk ka pasur rezultatet e kërkuara në këtë arenë.
Hera e vetme që Zvicra arriti të festonte në “Letzigrund” ishte më 13 tetor të vitit 2007.
Falë golave nga Marco Streller dhe Hakan Yakin, ekipi i drejtuar nga Kobi Kuhn e mposhti Austrinë, 3:1. Ishte fitorja e fundit e Zvicrës në Zurich.
Vetëm një muaj më vonë erdhi humbja e parë në “Letzigrund”. Zvicra u mposht 1:0 nga Nigeria. Por kjo nuk ishte asgjë në krahasim me atë që do të vinte më vonë.
Edhe
Zvicra do të përkrahet nga 900 shikues
Në ndeshjen e tretë nën drejtimin e selektorit Otmar Hitzfeld, Zvicra humbi 2:1 nga Luksemburgu. Ndeshja i kishte takuar kualifikimeve për Kupën e Botës.
Gazeta e madhe zvicerane “Blick” e kishte vlerësuar këtë si “humbja e shekullit”.
U deshën të kalonin shtatë vjet për përfaqësuesen helvetike që të kthehej më pas në “Letzigrund”.
Megjithatë, nuk kishte ndeshje kualifikuese për ndonjë ngjarje të madhe.
Edhe
Rezultatin që i duhet Kosovës, Zvicra nuk e njeh për plot 62 vjet
Të tri ballafaqimet ishin ndeshje miqësore.
Kundër Shteteve të Bashkuara të Amerikës në vitin 2015 dhe kundër Kosovës në vitin 2022, Zvicra barazoi 1:1. Në mesin e këtyre dy ndeshjeve, në vitin 2016, Zvicra humbi 2:0 nga Bosnje-Hercegovina.
