Edon Zhegrova luajti nga minuta e 60-të për Juventusin që të shtunën i fitoi pikët e plota në përballjen ndaj Pisas.
Juve e mposhti Pisan në udhëtim me rezultatin 2:0. Kjo ndeshje i takoi xhiros së 17-të të Serie A.
Mbrojtësi italian, Arturo Calabresi, shënoi autogol në minutën e 73-të për 1:0.
Golin e fundit e realizoi talenti turk, Kenan Yildiz, në minutën e 92-të.
Për Juven është fitorja e katërt rresht në të gjitha garat. Ndërkohë për Pisan është humbja e katërt në pesë ndeshjet e fundit.
Për sulmuesin e Kosovës, Zhegrovën, ishte paraqitja e 11-të këtë edicion me “Zonjën e Vjetër” në të gjitha garat.
Juve ka 32 pikë dhe e zë vendin e tretë. Pisa renditet në pozitën e parafundit me 11 pikë.