Besfort Zeneli ka regjistruar një asistim të shtunën pasdite në fitoren e skuadrës së Elfsborgut.
Elfsborgu në udhëtim e mposhti Goteborgun me rezultatin 2:1. Kjo ndeshje i takoi xhiros së 15-të të elitës së futbollit suedez.
Zeneli asistoi te goli i barazimit për 1:1 të cilin e realizoi Rasmus Wikstrom në minutën e 40-të. Ai e kompletoi ndeshjen dhe ishte prej më të mirëve në fushë.
Vëllai i Besfortit, Arbër Zeneli, ishte në bankën e rezervistëve.
Për 22-vjeçarin Zeneli ky ishte asistimi i pestë këtë edicion. Ka realizuar edhe një gol.
