Dy ditë para se të zhvillohet “El Clasico” në “Santiago Bernabeu” mes Real Madridit dhe Barcelonës, Lamine Yamal ka dhënë një deklaratë që e ka ndezur ndeshjen ende pa nisur.
Ai ka bërë akuza drejt madrilenëve, duke i quajtur hajdutë.
Superylli i futbollit, pak edhe me shaka, ka theksuar se te Real Madridi e kanë reputacionin për të vjedhur ndeshje.
“Po, ata vjedhin dhe ankohen gjatë gjithë kohës”, ka deklaruar Yamali në një program të enjten mbrëma.
Këtë deklaratë të Yamalit e ka mbështetur edhe ish-futbollisti i kësaj skuadre, Gerard Pique.
“Nuk ka debat për këtë”, është shprehur Pique.
Ndeshja mes Real Madridit dhe Barcelonës luhet të dielën nga ora 16:15 dhe i takon xhiros së 10-të të La Ligas.
Real Madridi prin me 24 pikë, dy më shumë se Barcelona e vendit të dytë.