Përzgjedhësi i Zvicrës në futboll, Murat Yakin, ka thënë se Granit Xhaka, po e udhëheq ekipin në mënyrën më të mirë në fushë. Ai ka theksuar se Xhaka sillet si trajner në fushë.
“Graniti po e udhëheq ekipin në mënyrë të shkëlqyer. Siç e dini, ai dëshiron të bëhet trajner dhe kështu sillet në fushë”, ka thënë Yakin në konferencën për media pas ndeshjes kundër Kosovës.
Yakin ka theksuar se Xhaka dëshiron të fitoj çdo ndeshje.
“Unë gjithashtu e përfshij Granitin dhe lojtarët tjerë kyç në vendimet e mia, dhe jam i kënaqur me këtë reagim”, është shprehur Yakin.