Selektori i Zvicrës, Murat Yakin, është përgjigjur në pyetje për Granit Xhakën edhe pas fitores 4:1 ndaj Bosnjë-Hercegovinës.
“Blick” shkroi se për shkak të kritikave publike të Xhakës, atmosfera te Zvicra po bëhej toksike.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ky ishte sulm personal në Xhakën”, ka thënë Yakin në konferencë për shtyp.
Ai ka theksuar se vazhdimisht është në kontakt me Granitin, ndërsa para ndeshjes me Bosnjën ka pasur një bisedë tjetër me liderin e Zvicrës.
“Ishte e rëndësishme ta trajtoja shkurtimisht këtë çështje këtë javë, për të kuptuar se sa shumë ka ndikuar tek ai”, ka theksuar Yakin.
Biseda zgjati rreth 10 minuta. Më pas Yakin u kthye i lumtur në fushën stërvitore. Xhaka shkëlqeu ndaj Bosnjës.
“Ishte e rëndësishme të lihej anash ajo dhe të shfaqej gjithë energjia në fushë. Këtu më duhet ai. Bisedat jashtë fushës nuk janë puna jonë”, ka sqaruar Yakin.
Xhaka sërish ishte lider i mesfushës.
“Ai ofroi shumë mundësi pasimi, fitoi shumë duele dhe kishte lëvizje të rëndësishme sulmuese”, ka theksuar Murat Yakin për kapitenin e tij.