Trajneri Arne Slot ka thënë se Florian Wirtzi ka qenë “i pafat” deri tani që nuk ka shënuar apo asistuar në Premier League.
Por, tekniku holandez i Liverpoolit ka kërkuar nga të gjithë që Wirtzit t’i jepet edhe pak kohë për ambientim.
22-vjeçari u transferua për 125 milionë euro në afatin kalimtar veror nga Bayer Leverkuseni.
Për skuadrën gjermane, Wirtz i realizoi 57 gola dhe pati 65 asistime në 197 paraqitje.
Trajneri Slot e ka krahasuar Wirtzin me Kevin De Bruynen.
“Ndoshta po e nënvlerësoj mesfushorin më të mirë që ka luajtur ndonjëherë në Premier League, Kevin De Bruyne. Ai ishte 21 apo 22-vjeçar kur shkoi te Chelsea. Jepini Wirtzit kohë. Ka qenë i pafat deri tani”, ka deklaruar të shtunën Slot në konferencën për shtyp.
Liverpooli të dielën nga ora 17:30 luan në “Anfield” në derbin ndaj Manchester Unitedit.