Ish-ministri i Sportit në Arabinë Saudite, Prince Abdullah bin Mosaad, ka thënë se Cristiano Ronaldo, i cili iu bashkua Al Nassrit në dhjetor të vitit 2022, është i vetmi futbollist i huaj në elitën saudite që e meriton pagën multimilionëshe.
Prince Abdullah në postin e ministrit ishte prej vitit 2014 deri në vitin 2017, ndërsa deklaratat e fundit i dha në një intervistë në programin televiziv “Fi Al-Marama”.
“Ronaldo është i vetmi futbollist i huaj që i meriton të ardhurat për shkak të ekspozimit global që i sjellë ligës dhe shtetit. Shumë të tjerë paguhen më shumë se që e meritojnë”, ka thënë ai për portugezin Ronaldo.
Ronaldo ka pagë vjetore prej 211 milionë dollarë, apo katër milionë dollarë në javë.