Cristiano Ronaldo po shqyrton mundësinë e largimit nga skuadra e Arabisë Saudite, Al Nassr, në verë. Sipas raportimeve të mediumeve të ndryshme, Ronaldo mund të kthehet në Evropë ose të paraqitet edicionin e ardhshëm në MLS të Shteteve të Bashkuara të Amerikës.
40-vjeçari, i cili paguhet mbi 500 mijë euro në ditë, ka nisur një bojkot në fillim të kësaj jave.
Ronaldo raportohet se është i pakënaqur me mënyrën se si Fondi i Investimeve Publike të Arabisë Saudite po i trajton financat e Al Nassr, në krahasim me klubet rivale për titull të kampionit.
Fondi i Investimeve Publike kontrollon 75 % të aksioneve të Al Ahlit, Al Ittihadit, Al Hilalit dhe Al Nassrit.
Al Hilali kompletoi të hënën transferimin e ish-bashkëlojtarit të Ronaldos te Real Madridi, Karim Benzema. Francezi Benzema iu bashkua Al Hilalit nga skuadra tjetër saudite, Al Ittihad.
Edhe
Merr fund bojkoti i Cristiano Ronaldos
Al Hilali aktualisht është një pikë përpara Al Nassr të Ronaldos në Ligën Profesionale Saudite.
Ronaldo pretendon se klubi i tij nuk është trajtuar në mënyrë të drejtë në tregun e transferimeve.
Ylli portugez pretendon se trajneri i Al Nassr, Jorge Jesus, nuk ka marrë përforcime të mjaftueshme në krahasim me rivalët për titull, pavarësisht se transferimi i Benezmas është financuar nga investitorë të jashtëm dhe jo nga Fondi i Investimeve Publike.
Sipas gazetës portugeze “Record”, Ronaldo është i zhgënjyer dhe po e mendon largimin gjatë verës nga Al Nassr.
Bëhet e ditur se klauzola e lirimit të Ronaldos është 50 milionë euro.
Ronaldo, i cili të enjten bëhet 41-vjeçar ka kontratë edhe 18 muaj me sauditët.
Pretendohet se një kthim në Evropë ose transferim në MLS janë opsione të mundshme për Ronaldon.
Edhe
Ronaldo synon ta blejë Al-Nassrin
Në dhjetor, Ronaldo la të hapur një kthim në Evropë, teksa përsëriti synimin e tij për të arritur shifrën e 1000 golave në karrierë.
Aktualisht i ka 961 gola të shënuar.
