Qendërmbrojtësi Albert Vallçi ka lënë gjurmë në fitoren e St. Gallenit të dielën.
St. Galleni në udhëtim e mposhti Grasshopperin 2:1, në ndeshjen e xhiros së 19-të të Superligës së Zvicrës, të fundit për këtë vit në elitën e futbollit zviceran.
Asistimin e parë në këtë edicion, Vallçi 30-vjeçar e regjistroi në minutën e 28-të.
Ai e kompletoi ndeshjen dhe ishte prej më të mirëve te skuadra e tij.
Ndeshjen te Grasshopperi e kompletoi edhe Samuel Krasniqi, ndërsa Leart Kabashi ishte në bankën rezervë. St. Galleni e mbyll vitin në Superligën zvicerane në pozitën e dytë me 37 pikë, tri më pak se Thuni lider.
Grasshopperi i parafundit i ka 17 pikë.
Ndërkohë, fitore të thellë të dielën shënoi edhe Lugano ndaj Young Boysit, 3:0. Në portë te Lugano ishte portieri i Kosovës, Amir Shaipi.