Futbollisti i Malishevës, Kreshnik Uka, është i lumtur me fitoren e arritur ndaj Hibernianit. Por ai ka thënë se fitorja me rezultat 2:0, nuk u garanton asgjë.
Ai fton bashkëlojtarët të tregohen të zgjuar në ndeshjen e kthimit.
“E kemi ditur se kemi përballë një kundërshtar të fortë, një ekip që luan në një ligë të fortë siç është liga e Skocisë, ku luhet futboll agresiv. Jemi përgatitur për këtë ndeshje. Por nuk na garanton asgjë kjo fitore 2:0. Është fitore historike për ne dhe synimi tani është të kualifikohemi në raundin e tretë. Por duhet të luajmë me kujdes në ndeshjen e kthimit. Për mua është një fillim i ri, një ekip i ri dhe nga ndeshja në ndeshje po e kapi ritmin më shumë”, ka thënë Uka.
