Malisheva e ka mbyllur pjesën e parë ndaj Hibernianit me epërsi prej një goli.
Për 1:0 ka shënuar Kreshnik Uka në minutën e 21-të, me asistim të Arlind Veliut.
BBC-ja kishte parashikuar rrezikun nga Uka
BBC Sport Scotland është duke e përcjellë nga afër ndeshjen mes Malishevës dhe Hibernianit, nëpërmjet gazetarit Thomas Duncan.
Duncan kishte raportuar se rreziku mund të vijë pikërisht nga Kreshnik Uka. Uka deri tani e ka realizuar golin e vetëm ndaj Hibernianit dhe Malisheva është duke fituar 1:0.
“Nga kush mund të vijë rreziku” ishte titulli i BBC Sport Scotland, ndërsa më pas janë dhënë shpjegime për skuadrën e Malishevës.
“Futbollisti i krahut, Kreshnik Uka, i cili e përcolli trajnerin Thomas Brdariq nga Drenica në këtë verë, shënoi dy herë në fitoren ndaj Vllaznisë dhe është rrezik për Hibs, pasi i shënoi 19 gola në sezonin e kaluar në elitën e futbollit kosovar. Portieri Adnan Kanuriq, i cili luajti në kategorinë e dytë të futbollit të Austrisë me Austria Klagenfurtin në sezonin e kaluar, është njëri prej gjashtë transferimeve të verës. Ai vjen nga të rinjtë e Stoke Cityt dhe ishte edhe te Nottingham Foresti. Megjithatë, 25-vjeçari në ekipin e parë në Angli luajti vetëm si i huazuar te Grantham Toën dhe Oxford City dhe ishte në bankën rezervë te Malisheva ndaj Vllaznisë. Ish-sulmuesi i Kolnit, Bayer Leverkusenit dhe Wolfsburgut, Brdariq, e mori udhëheqjen e ekipit muajin e kaluar pasi e mbajti Drenicën në elitë dhe përfundoi në vendin e gjashtë”, ka shkruar BBC Sport Scotland.
Edhe
Malisheva fiton thellë dhe avancon tutje në Ligën e Konferencës
Malisheva befason Hibernianin
Kreshnik Uka e ka kaluar Malishevën në epërsi ndaj Hibernianit, skuadrës së madhe skoceze.
Malisheva realizoi për 1:0 në minutën e 21-të. Uka shënoi me asistim të Arlind Veliut, pas një asistimi shumë mirë të ndërtuar.
Kjo është ndeshja e parë e raundit të dytë kualifikues të Ligës së Konferencës, ndërsa po zhvillohet në stadiumin “Fadil Vokrri” në Prishtinë.
