Pas dy barazime radhazi, Tottenham Hotspuri, të shtunën është kthyer te fitorja në Premier League.
Tottenhami në udhëtim mposhti 2:1 Leeds Unitedin në kuadër të xhiros së shtatë të elitës angleze.
Tottenhami dy xhirot e kaluara në kampionat barazoi me Wolverhamptonin dhe Brightonin. Skuadra që drejtohet nga trajneri Thomas Frank barazoi edhe të martën 2:2 me Bodo/Glimt në kuadër të xhiros së dytë të fazës së ligës në “Champions”.
Mathys Tel i kaloi në epërsi mysafirët në minutën e 23-të.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoLeeds Unitedi shifrat i barazoi në minutën e 34-t me golin që e shënoi Noah Okafor.
Tottenhami golin e fitores e realizoi në minutën e 57-të. Mohammed Kudus ishte shënuesi i golit që edhe ia siguroi pikët e plota Tottenhamit.
Tottenhami ka 14 pikë dhe është në pjesën e epërme të tabelës.
Leeds Unitedi është në mesin e tabelës me tetë pikë.