Meriton Korenica ka realizuar tjetër gol në elitën e futbollit rumun. Korenica ishte vendimtar të shtunën mbrëma në fitoren e Clujit.
Cluji e mposhti në shtëpi skuadrën Universitatea Cluj me rezultatin 1:0.
Kjo ndeshje ishte e vlefshme për xhiron e shtatë të plejofit të Superligës së Rumanisë.
Korenica e realizoi golin e fitores në minutën e 35-të.
Për 28-vjeçarin ky ishte goli i 12-të këtë edicion. Ka edhe gjashtë asistime.
Ai u paraqit deri në minutën e 84-t kurse bashkëlojtari i tij, Lindon Emërllahu e kompletoi ndeshjen.
