Trajneri i Malishevës, Tomas Brdariq, është i bindur se ekipi tij ka forcë për ta fituar ndeshjen me Vllazninë e Shkodrës.
Ai ka vlerësuar Vllazninë, por ka insistuar se synimi i lojtarëve malishevas është fitorja.
Ndeshjen e parë e fitoi Vllaznia me rezultat 2:1.
“Ne jemi të bindur që mund të fitojmë këtu, në Kosovë. Vllaznia është një skuadër me shumë traditë, ka ekip të mirë. E marrim shumë seriozisht dhe me shumë respekt, por edhe ne kemi një ekip shumë të mirë”, ka thënë Brdariq në konferencë për media të martën.
Ndeshja kthyese e raundit të parë kualifikues të Ligës së Konferencës ndërmjet Malishevës dhe Vllaznisë luhet të mërkurën në Kampion Nacional të FFK-së në Hajvali nga ora 16:30.
Brdariq ka ftuar shikuesit për përkrahje.
Artikuj të ngjashëm
