(E përditësuar) - Dukagjini i Klinës i shënoi dy gola në pjesën e parë dhe një tjetër në minutat shtesë ndaj Ballkanit dhe ka bërë hap të madh drejt finales së Kupës së Kosovës në futboll.
Dukagjini i udhëhequr nga trajneri Arsim Thaqi e turpëroi Ballkanin pas fitores 3:0 të mërkurën pasdite në stadiumin e qytetit në Suharekë.
Tani i duhet edhe pak punë në ndeshjen kthyese për të bërë vend në një tjetër finale të Kupës.
Ndeshja kthyese e gjysmëfinales luhet më 22 prill në stadiumin “18 Qershori” në Klinë.
Hekuran Berisha shënoi supergol në minutën e tetë të ndeshjes. Ai pranoi top me kokë nga Mërgim Pefqeli dhe me gjuajtje të fuqishme e të saktë, realizoi për 1:0.
Edhe
Dukagjini eliminon Ballkanin, siguron finalen e katërt të Kupës
Pak para fundit të pjesës së parë, Dukagjini fitoi penallti. Prekja e topit me dorë në zonë nga Bajram Jashanica u konfirmua edhe me VAR. Dhe i saktë nga pika e bardhë ishte Pefqeli, në minutën e 37-të. Në aksionin e fundit të ndeshjes shënoi edhe Meris Maliqi. Maliqi pas një kundërsulmi të shpejtë, doli i vetëm përballë portierit kundërshtar në minutën e 96-të. E plasoi bukur topin në rrjetë për fitoren e madhe.
Dukagjini mund ta arrijë finalen e katërt. Në tri finalet e kaluara u mposht nga Prishtina në edicionin 1994/95, nga Flamurtari në edicionin 1995/96 dhe nga Llapi në sezonin 2020/21.
Ballkani ndërkohë e ka një finale të Kupës së Kosovës të humbur në edicionin 2019/20 nga Prishtina, ndërsa po ndaj Prishtinës kishte triumfuar në sezonin 2023/24.
Dukagjini me epërsi të lartë ndaj Ballkanit
Dukagjini ka krijuar epërsi prej dy golave pas pjesës së parë në Suharekë ndaj Ballkanit, në ndeshjen e parë të gjysmëfinales së Kupës së Kosovës.
Hekuran Berisha në minutën e tetë shënoi supergol fillimisht për 1:0, kurse Mërgim Pefqeli, asistues i golit të parë, realizoi për 2:0.
Pefqeli e shënoi golin nga penalltia në minutën e 37-të.
Ndeshja kthyese në stadiumin “18 Qershori” në Klinë luhet më 22 prill.
Befasi në Suharekë
Edhe
Baras në Klinë pas pjesës së parë
Dukagjini i Klinës është duke e befasuar Ballkanin në Suharekë.
E ka shënuar edhe një tjetër gol dhe tani është duke fituar 2:0.
Penalltia u shkaktua nga kapiteni i Ballkanit, Bajram Jashanica, që preku topin me dorë në zonë.
Penalltia u konfirmua më pas edhe nga VAR-i.
I saktë nga pika e bardhë për 2:0 ishte mesfushori me tipare sulmuese, Mërgim Pefqeli.
Pefqeli shënoi në minutën e 37-të.
Supergol nga Hekuran Berisha
Hekuran Berisha ka shënuar supergol në ndeshjen e parë gjysmëfinale të Kupës së Kosovës në futboll.
Dukagjini me gol të Berishës është duke fituar në udhëtim te Ballkani, 1:0.
Edhe
Dukagjini i afrohet edhe më shumë finales
Berisha në minutën e tetë pranoi top me kokë nga Mërgim Pefqeli dhe më pas me gjuajtje të përkryer shënoi për mrekulli.
Ndeshja po zhvillohet në stadiumin e qytetit në Suharekë.
