Sulmuesi i Kosovës, Fisnik Asllani mund të transferohet në këtë afat kalimtar tek Union Berlini.
Të mërkurën gazeta e madhe gjermane, Bild, ka shkruar se Asllani është sulmuesi i preferuar i Union Berlinit.
Berlini e ka sulmin e dytë më të zbehtë në Bundesligë dhe drejtuesit e klubit synojnë përforcime. Union Berlini aktualisht është në vendin e 13-të në elitën gjermane. Lojtarët e kësaj skuadre i kanë shënuar vetëm 16 gola në 18 ndeshje. Më pak gola ka vetëm St. Pauli – 14.
Për Asllanin do të ishte kthim te Berlini, ku qëndroi nga viti 2016 deri në vitin 2020. Më pas vazhdoi karrierën te Hoffenheimi, ndërsa aktualisht është i huazuar tek Elversbergu në Bundesliga 2.
Për Kosovën, 22-vjeçari i ka pesë ndeshje.
Tek Elversbergu po kalon formë të lartë. Ka dhjetë gola e gjashtë asistime në 18 paraqitje.
Edhe
Asllani në radarin e top-klubit gjerman
Sipas Bildit, Berlini tashmë ka arritur marrëveshje me Asllanin dhe Hoffenheimin. Ka mbetur që të arrihet marrëveshja me Elversbergun.
Për Asllanin po interesohen edhe skuadra tjera gjermane.
