Mevlan Zeka ka shkuar në kuotën e 12-të golave të realizuara në elitën e futbollit të Kosovës dhe aktualisht është sulmuesi më në formë.
Me golat e Zekës, Suhareka të shtunën fitoi 2:1 në udhëtim te Malisheva, në ndeshjen e luajtur në stadiumin “Liman Gegaj”.
Ballafaqimin e xhiros së 17-të, Suhareka e fitoi 2:1.
Sulmuesi 30-vjeçar nga Gjakova shënoi për 1:0 në të mirë të mysafirëve në minutën e 21-të, me gjuajtje të saktë nga zona.
Në minutën e 34-t, shifrat i barazoi Drilon Hazrollaj. Por, goli i sulmuesit të krahut u anulua më pas nga gjyqtari Genc Nuza, pas rishikimit të situatës në VAR. Nuza pa faull gjatë ndërtimit të aksionit dhe goli nuk ishte i vlefshëm.
Edhe
Suhareka fiton ndaj Malishevës, mbetet me gjasa për mbijetesë
Gjashtë minuta më vonë, Suhareka shënoi sërish. Zeka ishte në afërsi të portës dhe e shtyu topin në rrjetë me kokë për 2:0.
Hazrollaj më pas në minutën e 73-të e ngushtoi epërsinë në 2:1, por ai dhe bashkëlojtarët e tij, nuk arritën të shënonin më e të merrnin të paktën një pikë nga kjo ndeshje.
Në minutat shtesë, te Suhareka pas kartonit të dytë të verdhë u përjashtua Eneid Kodra.
Për Malishevën ishte humbja e parë pas ecurisë prej tri fitoreve e një barazimi në Superligë e në Kupë.
Suhareka ndërkohë e realizoi fitoren e tretë rresht në të gjitha garat.
Në Kupën e Kosovës fitoi ndaj Trepçës ’89, ndërsa e mposhti edhe Llapin në Superligë.
Malisheva mbetet në pozitën e tretë me 29 pikë, teksa Suhareka forcohet në pozitën e pestë me 25 pikë.
Të dielën, xhiroja e 17-të mbyllet me dy ndeshje tjera.
Gjilani luan me Dritën në derbin lokal në terrenin me bar sintetik në Gjilan, ndërsa Feronikeli 74 e pret Prishtinën në stadiumin “Rexhep Rexhepi” në Drenas.
Dukagjini të premten e fitoi ndeshjen hapëse të kësaj jave ndaj Ferizajt.
Edhe
Suhareka fiton pas gjashtë ndeshjeve
Golin e fitores e shënoi sulmuesi Altin Merlaku, në minutën e 83-të.
Tjetër gol në “Liman Gegaj”
Goli i Drilon Hazrollajt ka qenë i rregullt më minutën e 73-të për Malishevën në duelin ndaj Suharekës.
Suhareka është duke fituar 2:1.
Hazrollajt në pjesën e parë iu anulua një gol.
Malishevës i anulohet goli, Zeka shënon sërish
Goli i Drilon Hazrollajt i shënuar në minutën e 32-të, është anuluar nga gjyqtari Genc Nuza pas rishikimit të situatës në VAR.
Dhe nuk shkoi shumë kohë kur Suhareka shënoi sërish me Zekën, në minutën e 40-të.
Suhareka në epërsi ndaj Malishevës
Suhareka ka shënuar gol në “Liman Gegaj” dhe është duke avancuar 1:0 ndaj Malishevës.
Golin e epërsisë e ka shënuar sulmuesi më i mirë në ligë aktualisht, Mevlan Zeka.
Edhe
Suhareka shënon fitoren e parë me trajnerin Josa
Zeka në minutën e 21-të me goditje të saktë nga zona, e shënoi golin e 11-të të kampionatit aktual në Superligën e Kosovës në futboll.
Ndeshja i takon xhiros së 17-të të elitës kosovare.
