Shtatorja prej 21 metrash e Messit në Indi, do të zhvendoset

Një shtatore e lartë mbi 21 metra e Lionel Messit në Indi është parë “duke u lëkundur në erë” dhe do të zhvendoset.

Monumeni gjigant në Kalkutë u ngrit në dhjetor gjatë turit GOAT të Messit në Indi. GOAT e ka kuptimin “më i madhi i të gjitha kohërave”.

Sipas mediave lokale, inxhinierët nga Departamenti i Punëve Publike kryen një inspektim të statujës pas ankesave nga banorët.

U urdhërua heqja dhe zhvendosja e menjëhershme e shtatores, pasi inspektimi zbuloi se integriteti strukturor së statujës ishte i cenuar.

Një zyrtar ka thënë se kanë kuptuar që shtatorja lëkundet kur ka erë. 

Tani po kërkohet një vend më i përshtatshëm për shtatoren, vendosja e së cilës u bë për 27 ditë, nga 45 persona të angazhuar.