Futbollistet e Shqipërisë e kanë siguruar qëndrimin në Ligën B të Ligës së Kombeve. Shqipëria humbi të premten e kaluar 3:2 nga Qiproja në Laranca. Por të martën fitoi 3:0 në “Air Albania” në Tiranë për të siguruar mbetjen në Ligën B të Ligës së Kombeve. Ishte ndeshja e kthimit e pljeofit në Ligën e Kombeve.
Qëndresa Krasniqi shënoi golin e parë në minutën e 16-të me asistim të Megi Doçit, e cila shënoi golin e tretë në minutën e 67-të për 3:0.
Golin e dytë për Shqipërinë në minutën e 38-të e realizoi Sara Begallo.
Shqipëria kishte përfunduar e treta në grup në Ligën B në edicionin 2025 të Ligës së Kombeve.