Kampionia e Shqipërisë në futboll, Egnatia, e ka prezantuar të martën Kastriot Selmanin.
Selmani ka firmosur për dy vjet me klubin nga Rrogozhina.
Sulmuesi i krahut deri më tani ishte te Drita e Gjilanit, me të cilin fitoi titullin e kampionit. 25-vjeçariu më herët ka luajtur edhe për Prishtinën, Vushtrrinë e Llapin. Te Drita ishte prej vitit 2022.
Egnatia do të paraqitet në kualifikimet e Ligës së Kampionëve, ndërsa aktualisht po e dominon futbollin në Shqipëri.
